დივიდენდური აქციები. დადებითი და უარყოფითი მხარეები
ბევრ ინვესტორს უყვარს დივიდენდები. ლოგიკა მარტივია: “ფულს მიხდიან - ესე იგი, ეს კარგი ინვესტიციაა”
გონივრულად ჟღერს. მაგრამ პრაქტიკაში ყველაფერი უფრო რთულადაა.
ჯერ დადებითი მხარეები
1. დივიდენდური აქციები ფულად ნაკადს ქმნის. ეს შეიძლება განსაკუთრებით მნიშვნელოვანი იყოს ხანდაზმული ადამიანებისთვის. მათ შემოსავალი აქ და ახლა სჭირდებათ.
2. მომწიფებული ბიზნესის ნიშანი. დივიდენდებს, როგორც წესი, ის კომპანიები იხდიან, რომლებსაც აქვთ:
- სტაბილური მოგება
- გასაგები მოდელი
- მდგრადი მოთხოვნა
ეს “სიურპრიზების” რისკს ამცირებს.
3. ნაკლები ვოლატილობა (ხშირად)
დივიდენდური კომპანიები:
- უფრო იშვიათად ექცევიან აჟიოტაჟის ცენტრში
- სიახლეების ფონზე ნაკლებად ეცემიან
- უფრო მშვიდ ინვესტორებს იზიდავენ
4. კარგი დივიდენდური კომპანიების დივიდენდები წლიდან წლამდე იზრდება. ეს მათ ხელსაყრელად განასხვავებს ობლიგაციებისგან.
ახლა უარყოფითი მხარეების შესახებ
1. დივიდენდები - ეს არ არის “დამატებითი შემოსავალი”
კომპანია ფულს ჰაერიდან არ ქმნის. როდესაც ის დივიდენდებს იხდის, ეს კომპანიის მიერ მიღებული მოგების ნაწილია. მოგების ნაწილის დივიდენდის სახით გაცემისას ბაზარი ამ გადახდას აქციის ფასის განსაზღვრისას ითვალისწინებს და აქციის ფასი შეიძლება იმავე სიდიდით დაეცეს, ან აქციის ფასი ამ სიდიდით არ გაიზარდოს.
თქვენ უბრალოდ იღებთ საკუთარივე ფულის ნაწილს სხვა ფორმით.
2. გადასახადები. ამერიკული კომპანიების დივიდენდებზე გადასახადი აქციების მფლობელის იურისდიქციების დიდი ნაწილისთვის 30%-ს შეადგენს და წყაროსთან იკავება. ეს დივიდენდური აქციების რეალურ შემოსავლიანობას სერიოზულად ამცირებს.
3. მაღალი შემოსავლიანობა - შეიძლება პრობლემის სიგნალი იყოს
8-10%-იანი Dividend Yield მიმზიდველად გამოიყურება. მაგრამ ხშირად ეს იმიტომ ხდება, რომ აქციის ფასი დაეცა და ბაზარი უკვე პრობლემებს ელოდება
და ინვესტორი “შემოსავლიანობას” ყიდულობს, მაგრამ შესაძლოა დაღმავალი ბიზნესი მიიღოს.
რას მიაქციოთ ყურადღება არჩევისას
დივიდენდური აქციების არჩევისას, დივიდენდის ოდენობის გარდა, ყურადღება მიაქციეთ:
- Payout Ratio. ეს მაჩვენებელი გვიჩვენებს, მოგების რა ნაწილს იხდის კომპანია დივიდენდის სახით. რაც უფრო დაბალია ეს მაჩვენებელი, მით უკეთესი. მაგრამ ის ნამდვილად არ უნდა აღემატებოდეს 100%-ს.
- შემოსავლისა და მოგების ზრდა. დივიდენდებს, როგორც წესი, მსხვილი კომპანიები იხდიან, რომლებსაც ზრდის სივრცე აღარ აქვთ. მაგრამ უმჯობესია, რომ მათ ჰქონდეთ ზრდა, თუნდაც არც ისე დიდი.
- დივიდენდის ოდენობა გადასახადის გათვალისწინებით დააკორექტირეთ.
წარმატებებს გისურვებთ ინვესტიციებში
AVI-ის გუნდი
განხილვა Telegram-ში
კომენტარები ჯერ არ არის. იყავით პირველი!
შესვლა Telegram-ით. კომენტარი გამოჩნდება არხში პოსტის ქვეშ.